சுமார் 200 பக்கங்கள் உள்ளபுத்தகத்தில் முன்னுரை, முடிவுரை மற்றும் ஆறு அத்தியாயங்கள் உள்ளன. மிகப் பெரிய ஐந்தாம் அத்தியாயம் 70 பக்கங்களில 35 குறுக்கெழுத்துகள் கொண்டது. முதல் இரண்டு அத்தியாயங்கள் மற்றும் முன்னுரை எழுதி முடித்து விட்டேன். இதுவரை 70 பக்கங்கள் எழுதியுள்ளேன் பின் அட்டையில் புத்தகத்தைப் பற்றி நான் எழுதியது.

**************

இப்புத்தகம்

கருப்பு வெள்ளைக் கட்டங்களுடன் இடை லிபி (7)

இடை என்றால் குறுக்கு (குறுக்கு சிறுத்தவளே) , லிபி என்றால் எழுத்து. கருப்பு வெள்ளைக் கட்டங்களுடன் இருப்பது குறுக்கெழுத்து. ஆம், குறுக்கெழுத்து பற்றிய புத்தகம்தான் இது. குறுக்கெழுத்து என்றால் பல தமிழ் இதழ்களில் வரும் 'திருப்பதி பிரசாதம் (3)' போன்றவை அல்ல. பயணங்களில் நீங்கள் பார்த்திருக்கலாம் – ஆங்கில செய்தித்தாளை நான்காக மடித்து பேனாவும், சிந்தனையுமாக இருப்பார் ஒருவர். ஐஸ்வரியா ராயே பக்கத்தில் உட்கார்ந்திருந்தாலும் கட்டமே கண்ணாயினார் என்றிருக்கும் அவர் மூழ்கியிருப்பது Cryptic Crossword - தமிழில் மறைபுதிர் குறுக்கெழுத்து. அதைப் பற்றித்தான் இப்புத்தகம்

ஆங்கிலக் குறுக்கெழுத்து குறித்து ஆயிரத்துக்கும் மேல் நூல்கள் உள்ளன். தமிழில் மறைபுதிர் குறுக்கெழுத்து குறித்து இதுவே உலகத்தில் முதல் புத்தகம் என்பது என் தாழ்மையான கருத்து.

இந்நூலை எழுதியவர் யார்?

புத்தகங்கள் குழந்தைகளைப் போல. குழந்தைகள் கருப்பா , சிவப்பா : குழந்தைகளின் தந்தை யார் , தாய் யார் என்று பார்க்காமல் அவர்களின் குறும்புகளை மட்டுமே ரசிக்க வேண்டும். ஆகவே இதை எழுதியது யார் என்பது அவிழ்க்காத புதிராகவே இருக்கட்டுமே. தெரிந்தால்தான் வாங்குவேன் என்று அடம் பிடிப்பவராக இருந்தால் என் பெயர் குறுக்கெழுத்துக் குறிப்பாகவே இதோ.

நான் கண்ட ஓட்டி (7)

என்னைப் பற்றி மேலும் அறிய புத்தகத்தின் முன்னுரை படியுங்கள்.

**************

புத்தகத்திற்கு நானும், என் மனைவியும் இரண்டு பெயர்கள் தேர்வு செய்துள்ளோம். அக்டோபர் 31 வரை உங்கள் பரிந்துரைகளை வழங்கலாம். கீழே உள்ள படிவத்தை நிரப்பவும். நன்றி.

BACK TO MAIN PAGE

Click here to visit my Home Page